Tsambang post

May nabasa ako dati: ‘wag mong maliitin ang kakayahan mong tsumamba.

Siya nga naman. Maaaring ikatalo n’yo sa basketball ‘yung panahong hindi mo sinubukang tsumamba. Pwede ka ring mahiga sa salapi dahil lang sa numerong napagtripan mo lang na isama sa kumbinasyon nang tumaya ka sa Lotto.

Iniisip ko tuloy, paano nga ba nabuo ang salitang “tyamba”? Ayon sa pakikipagtalastasan ko sa mahiwagang banig sa Bayani na nagta- time travel sa Noli Me Tangere, galing ito sa salitang “niamva” na isang ekspresyong Swahili noong panahon ng indulgencia. Nasasambit ito ng ilang Aprikanong nakipagkalakalan sa mga Espanyol tuwing tumatama ang kulay na tinayaan nila sa mga blokeng pinapagulong sa perya at nagkakamkam ng isang buslo ng luya at kamote. Akala siguro ng mga Kastila ay maipapanalo nila ang casino noon sa pagsigaw nito. Akala siguro ng ibang Pinoy ay “niamva” lang ang pagkapanalo nila sa Kastila sa ilang rebolusyon. Kaya nanatili silang gumagamit ng gulok imbis na gumawa ng sariling baril.

Pero manipestasyon ba ito ng katamaran natin?  Oo. Kung dito tayo umaasa. Parang nagdadasal pero hindi kumikilos. Parang mga shit na kabataan ngayon na hindi pa man tinutubuan ng pubic hair, nananalig na sa destiny para sa kanilang one true love.

Pero kung titimbangin mo, mas nagpapakita ito ng pangmamaliit sa kakayahan ng isang tao.

“Tsamba lang ‘yan pre!”

“Ay, wala naman akong ginawa. Na-tsambahan ko lang.”

Minsan tuloy, mapapakamot ka na lang ng ulo. Hindi mo alam kung gaano na katindi ang aerosephalus (hangin sa ulo) o kung gaano kababa ang tingin sa sarili ng  taong panay ang bukambibig ng tsamba. Hindi ka ba marunong mag-isip, kumilos at magsalita para sabihing tsamba lang ang lahat? Pati pa pagbuo sa’yo ng mga magulang mo, tsamba pa rin?

“Uy, nasipa ni Etong bayag ko habang naglalaro kami ng Shaider-shaideran. Di na raw ako makakabuntis. Testingin nga natin.”

Parang ninuno ng mga tuod na buong akala niya ay kumikilos siya, umaandar. Pero umiikot pala ang universe sa kanya. At lahat ng delubyo at pagwawagi ay nangyayari lang sa tapat niya. Kahit mamulaklak na ng gumamela ang singit niya, tsamba pa rin. Kung maganda ang tubo, papupurihan niya ang universe. Kung malanta, sisisihin niya ang universe.

Destiny? Fate? Patay na ang mga taong nagpauso niyan. Kay Cinderella at Snow White na lang uso ‘yan.

‘Wag mong maliitin ang kakayahan mo. Dahil ngongo ‘yung Aprikano, at bulol ‘yung Espanyol.

Advertisements

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s